Sigurður Ægir og Steinunn María bikarmeistarar SKÍ í snjóbrettum 2026

Bikarmeistarar Skíðasambands Íslands í snjóbrettum fyrir keppnistímabilið 2025–2026 voru krýndir á lokahófi Snjóbrettamóts Íslands sem fram fór í Brettafélagi Hafnarfjarðar að keppni lokinni á laugardaginn.

Bikarkeppni SKÍ byggir á samanlögðum árangri keppenda yfir veturinn og voru bikarmeistaratitlar veittir í aldursflokkunum U13, U15 og U17, bæði í stúlkn­a- og drengjaflokkum, auk fullorðinsflokks karla og kvenna. Jafnframt var krýndur bikarmeistari félaga, sem byggir á samanlögðum árangri félags yfir tímabilið.

Mjög mjótt var á munum í liðakeppninni, þar sem Skíðafélag Akureyrar tryggði sér sigur með 3845 stigum, aðeins 24 stigum á undan Brettafélagi Hafnarfjarðar sem hlaut 3821 stig.

Brettafélag Hafnarfjarðar stóð fyrir lokahófinu þar sem verðlaun voru afhent og 66°Norður gaf bikarmeisturum og öðrum verðlaunahöfum glæsileg verðlaun.

Skíðasamband Íslands óskar öllum bikarmeisturum og verðlaunahöfum innilega til hamingju með uppskeru vetrarins.

Bikarmeistarar SKÍ 2026 – Snjóbretti

(Heildarstig – 3 efstu sæti)

Liðakeppni

1. Skíðafélag Akureyrar (SKA) – 3845 stig
2. Brettafélag Hafnarfjarðar (BFH) – 3821 stig
3. Skíðafélag Dalvíkur (DAL) – 2837 stig

U13 – Drengir

1. Garðar Einarsson – BFH – 500 stig
2. Kolbeinn Friður Karlsson – BFH – 230 stig
3. Hilmir Þór Hansen – SKA og Guðmundur Elí Ágústsson – SKA – jafnir með 160 stig

U13 – Stúlkur

1. Hrafnhildur Freyja Filippusdóttir – SKA – 350 stig
2. Daníela Björk Kristinsdóttir – DAL – 300 stig
3. Adriana Maria Molina – DAL – 220 stig

U15 – Drengir

1. Arnar Freyr Jóhannsson – BFH – 540 stig
2. Óli Bjarni Ólason – SKA – 300 stig
3. Benjamín Örn Birkisson – BFH – 250 stig

U15 – Stúlkur

1. Steinunn María Þórarinsdóttir – BFH – 550 stig
2. Lukka Viktorsdóttir – DAL – 465 stig
3. Dagrún Katla Ævarsdóttir – SKA – 335 stig

U17 – Drengir

1. Sigurður Ægir Filippusson – SKA – 600 stig
2. Hafliði Sveinsson Zoëga – BFF – 320 stig
3. Óliver Garðarsson – BFH – 140 stig

Fullorðinsflokkur – Karlar

1. Sigurður Ægir Filippusson – SKA – 480 stig
2. Arnar Freyr Jóhannsson – BFH – 405 stig
3. Óli Bjarni Ólason – SKA – 248 stig

Fullorðinsflokkur – Konur

1. Steinunn María Þórarinsdóttir – BFH – 525 stig
2. Lukka Viktorsdóttir – DAL – 440 stig
3. Dagrún Katla Ævarsdóttir – SKA – 320 stig