Íslenskir keppendur klárir í Vetrarólympíuleikana í Milano–Cortina 2026

Fjórir keppendur keppa fyrir Íslands hönd á Vetrarólympíuleikunum 2026

Skíðasamband Íslands kynnir með stolti þá keppendur sem munu keppa fyrir Íslands hönd á Vetrarólympíuleikunum í Milano–Cortina 2026, sem verða settir formlega á morgun, 6. febrúar.

Ólympíufararnir eru fjórir talsins og keppa í alpagreinum og skíðagöngu. Keppnir fara fram á þremur stöðum á Ítalíu: Bormio, Cortina og Predazzo.

Ólympíufarar Íslands

• Dagur Benediktsson (Skíðafélag Ísafjarðar) – skíðaganga karla

• Elín Elmarsdóttir Van Pelt (Víkingur) – alpagreinar kvenna

• Jón Erik Sigurðsson (FRAM) – alpagreinar karla

• Kristrún Guðnadóttir (Skíðagöngufélagið Ullur)– skíðaganga kvenna

Alpagreinar karla fara fram í Bormio, alpagreinar kvenna í Cortina, en skíðaganga karla og kvenna fer fram í Predazzo.

Dagur Benediktsson var fyrsti íslenski keppandinn til að mæta í Ólympíuþorpið en hann kom á staðinn 31. janúar og hefur verið við æfingar síðan.
4. febrúar bættist Kristrún Guðnadóttir í hópinn í Predazzo.

Á morgun, 6. febrúar, kemur Jón Erik Sigurðsson til Ólympíuþorpsins í Bormio og 10. febrúar mætir Elín Elmarsdóttir Van Pelt til Ólympíuþorpsins í Cortina. Elín verður þó viðstödd opnunarhátíðina á morgun en heldur í kjölfarið til æfinga með liði sínu þar til hún innritast formlega í þorpið.

Keppnisdagskrá

Skíðaganga

Dagur Benediktsson

•     8. febrúar – 20 km skiptiganga (10 km klassískt / 10 km frjálst)

• 10. febrúar – Sprettganga, klassískt

• 13. febrúar – 10 km frjálst

• 21. febrúar – 50 km klassískt

Kristrún Guðnadóttir

•   10. febrúar – Sprettganga, klassískt
•   12. febrúar – 10 km frjálst

Alpagreinar 

Jón Erik Sigurðsson

•    14. febrúar – Stórsvig

• 16. febrúar – Svig

Elín Elmarsdóttir Van Pelt

•    15. febrúar – Stórsvig

• 18. febrúar – Svig

Það verður sannarlega spennandi að fylgjast með íslensku keppendunum á stóra sviðinu. Hvetjum alla til að fylgjast með, en sýnt verður beint frá keppnum á RÚV.

Áfram Ísland!