Vel heppnuð Hermannsganga

Hin árlega Hermannsganga fór fram laugardaginn 4. febrúar sl. Hún var að þessu sinni haldin í Kjarnaskógi, en hefur fram til þessa verið í Hlíðarfjalli. Gangan er kennd við Hermann Sigtryggsson íþróttafrömuð sem lengi var íþróttafulltrúi Akureyrarbæjar. Hann ræsti göngu nú sem endranær.

• Veronika Guseva Skíðafélagi Akureyrar (SKA) sigraði í kvennaflokki í 24 km göngu. Sigurvegari karla var Ævar Freyr Valbjörnsson, einnig í SKA.
• Í 12 km göngu karla bar Róbert Bragi Kárason SKA sigur úr býtum og Svava Rós Kristófersdóttir Skíðafélagi Ólafsfjarðar í kvennaflokki.
• Viktoría Rós Guseva SKA sigraði í 4 km göngu kvenna en Jökull Ingimundur Hlynsson  SFS í karlaflokki.

Í 24 km göngu var keppt í fleiri aldursflokkum og keppendur voru frá 7 ára upp í 73 ára  upp í en öll úrslit göngunnar má sjá hér. Um 100 keppendur voru skráðir til leiks.

Fjölmargar myndir hafa birst á netinu frá göngunni og má sjá myndir og myndir á heimasíðu akureyri.net hér.  Hér er síðan myndasyrpa sem Ármann Hinrik ljósmyndari tók af þessu tilefni.

Þá er hér hlekkur á Facebókarsíðu viðburðarins og loks hlekkur á vef og myndir Vikublaðsins hér.