Freydís Halla leggur keppnisskíðin á hilluna

Freydís Halla Einarsdóttir, lansdliðskona í alpagreinum úr Ármanni, hefur ákveðið að leggja keppnisskíðin á hilluna í bili.  Freydís, sem hefur verið við nám í Bandaríkjunum undanfarin ár, stefnir á enn frekara nám eða störf erlendis núna í haust.

"Eftir mikla umhugsun hef ég ákveðið að leggja keppnisskíðin á hilluna í bili.  Nú í vor er ég að útskrifast úr háskóla og það tekur við nýr kafli hjá mér. Ég er búin að eiga eftirminnilegan feril og er virkilega ánægð með það sem ég hef náð að afreka á þessum árum.  Á meðan ég æfði og keppti fékk ég að ferðast víða og upplifa hluti sem ég hefði annars aldrei fengið tækifæri til.  Ég hef kynnst yndislegu skíðafólki frá öllum heimsálfum, tekist á við ókunnugar aðstæður og nýja menningarheima.  Ég er virkilega þakklát fyrir allt sem ég hef fengið að upplifa á meðan ég sinnti skíðaíþróttinni, og veit að sú reynsla mun hjálpa mér að takast á við nýjar áskoranir. 

"Ég vil þakka SKÍ fyrir samstarfið, sem og öllum styrkaraðilum sem hafa stutt við mig gegnum árin.  Þessi stuðningur er ómetanlegur og hefur hjálpað mikið.  Ég vil einnig koma þakklæti til allra þjálfara, liðsfélaga, vina og annarra sem hafa haft endalaus áhrif á mig bæði sem persónu og íþróttakonu.  Ég hlakka til að vera áfram hluti af skíðahreyfingunni þrátt fyrir að keppnisskíðin verði ekki með í för!  Takk fyrir mig." 

Árangur Freydísar á ferlinum hefur verið frábær og hér má sjá það helsta: