HM í Oberstdorf - Allt sem þú þarft að vita

HM í norrænum greinum fer fram í Oberstdorf í Þýskalandi dagana 24.febrúar til 7.mars. Keppni hefst á morgun með undankeppni fyrir lengri vegalengdir en fyrsta aðalkeppnin er sprettganga á fimmtudag. Alls eru fimm íslenskir keppendur skráðir til leiks, ein kona og fjórir karlar.

Í undankeppninni á morgun þarf að vera í einu af 10 efstu sætunum til að fá þátttökurétt í aðalkeppnunum í lengri vegalengdum. Í sprettgöngunni fara allir keppendur í undanrásir þar sem 30 efstu fara áfram í aðalkeppnina í sprettgöngu.

Keppendur og keppnisgreinar
Konur:
Gígja Björnsdóttir - Undankeppni í lengri vegalendum og sprettganga

Karlar:
Albert Jónsson - Undankeppni í lengri vegalendum og sprettganga
Dagur Benediktsson - Undankeppni í lengri vegalendum og sprettganga
Isak Stianson Pedersen - Sprettganga
Snorri Eyþór Einarsson - Aðalkeppni í öllum lengri vegalengdum og sprettganga

Keppnisdagar hjá íslensku keppendunum (tímar miðast við íslenskan tíma):

• 24. feb - Undankeppni 5 km F konur / 10 km F karlar - kl. 08:00 / 09:30 - Ráslistar kvk / Ráslistar kk
• 25. feb - Sprettganga C, undanrásir konur / karlar - kl. 08:00
• 27. feb - Skiptiganga 15 km konur / 30 km karlar C/F - kl. 10:45 / 12:30
• 28. feb - Liðasprettur F - kl. 10:00
• 2. mars - 10 km F konur - kl. 12:15
• 3. mars - 15 km F karlar - kl. 12:15
• 7. mars - 50 km C Mst karlar - kl. 12:00

Allar aðalkeppnir verða sýndar á RÚV. Undankeppnin á morgun verður hægt að sjá á Eurosport.

Úrslit og lifandi tímatöku má sjá hér.
Heimasíða mótshaldara má sjá hér.

Minnum svo á samfélagsmiðlana okkar:
Instragram: skidasamband
Facebook: Skíðasamband Íslands