Benedikt Friðbjörnsson í 1. og 4. sæti

Snjóbrettamaðurinn Benedikt Friðbjörnsson var önnum kafinn um liðna helgi þar sem hann keppti á tveimur lokamótum sterkra mótaraða í Austurríki.

Á laugardag keppti hann á lokamóti (Tour Final) á World Rookie Tour mótaröðinni í Kitzsteinhorn Zell am See – Kaprun í Austurríki.  Benni náði þar að landa 4. sætinu í sínum flokki (U15 - Groms).  Mjög litlu munaði á sætum 2-4, þar sem aðeins 2 stig skildu þar á milli og var Benni því hársbreidd fá því að komast á verðlaunapallinn.  Myndaband af seinni ferð Benna má sjá hér 

Landsliðsmaðurinn Baldur Vilhelmsson var einnig meðal keppenda á WRT - lokamótinu, en hann náði því miður ekki inn í úrslitin að þessu sinni. 

Á sunnudag keppti Benedikt svo á lokamótinu Game of Diamonds á Q-Parks mótaröðinni í Obergurgl í Austurríki.  Þar gerði hann sér lítið fyrir og sigraði í sínum flokki (U15 - Groms) þar.  Benni náði einnig að landa 5. sætinu í heildarkeppninni á mótinu. Úrslitin úr mótinu má sjá hér

Með árangri sínum á Q-Parks mótaröðinni í vetur náði Benni að tryggja sér stigameistaratitilinn í flokki U15 - Groms.  Úrslitin úr heildarkeppni Q-Parks mótaraðarinnar má sjá hér