Baldur Vilhelmsson í 5.sæti á FIS móti í Landgraaf

Fyrir stuttu leik keppni í Landgraaf, Hollandi á alþjóðlegu FIS móti í slopestyle. Alls tóku sex strákar þátt frá Íslandi eða allir liðsmenn í A og B landsliði á snjóbrettum. Um 76 keppendur tóku þátt í karlaflokki.

Fyrr í dag fór fram undankeppni þar sem keppt var í fjórum undanriðlum þar sem fjórir efstu úr hverjum riðli komust áfram. Baldur Vilhelmsson var í riðli tvö og endaði í 2.sæti í honum og komst því í úrslit. Marinó Kristjánsson var í riðli fjögur og átti nokkuð góða ferð en endaði í 5.sæti og komst því ekki í úrslitin. Aron Snorri Davíðsson, Benedikt Friðbjörnsson, Egill Gunnar Kristjánsson og Tómas Orri Árnason voru allir nokkuð frá því að enda í efstu fjórum sætunum í sínum riðlum.

Þar sem brekkurnar í skíðahúsinu eru styttri en gengur og gerist úti var hver ferð í raun tvær ferðir. Annars vegar ferð á rail og hinsvegar á palla, samanlagt var þetta ein heildarferð. Í undankeppninni fengu allir keppendur tvö rennsli.

Í úrslitunum voru einnig farnar tvær ferðir og átti Baldur virkilega góðar ferðir og endaði að lokum í 5.sæti. Hann átti frábæra ferð á railinu og var þar með næst besta árangurinn af öllum. Fyrir árangur fær Baldur 49.50 FIS stig er það hans besta mót á ferlinum og mikil bæting á heimslista FIS.

Hér að neðan má sjá úrslitin úr úrslitunum í karlaflokki í dag auk árangur íslensku strákana. Heildarúrslit má sjá hér.

Á morgun verður keppt á sama stað í Evrópubikarmóti. Svipaður fjöldi keppenda er með á morgun. Fyrri tveir undanriðlarnir hefjast kl. 09:15 í fyrramálið að íslenskum tíma en seinni tveir kl. 11:45.