Fyrsta bikarmót í alpagreinum fór fram um helgina á Akureyri. Um er að ræða hið fornfræga Hermannsmót, en sérstakur bikar er veittur fyrir samanlagðan árangur í svigi og stórsvigi í karla- (Hermannsbikar) og kvennaflokki (Helgubikar).

Í gær, sunnudag, var keppt í svigi í norðurbakka. Frábært færi var í bakkanum og einnig var veður gott.

Konur:
1. Erla Guðný Helgadóttir
2. Thelma Rut Jóhannsdóttir
3. Kolbrún Lilja Hjaltadóttir

Karlar:
1. Sturla Snær Snorrason
2. Brynjar Jökull Guðmundsson
3. Atli Rafn Gunnarsson

Nánari úrslit má finna hér.

Hermannsbikarinn hlaut Brynjar Jökull Guðmundsson og Helgubikarinn hlaut Erla Guðný Helgadóttir.

Fyrsta bikarmót vetrarins í skíðagöngu fór fram við góðar aðstæður á Ísafirði um
helgina. Ánægjulegt er að sjá að fjöldi þátttakenda hefur aukist miðað við síðustu misseri. Keppendur voru
frá Skíðafélagi Akureyrar, Skíðafélagi Ólafsfjarðar, Skíðafélaginu Ulli,
Skíðafélagi Strandamanna og Skíðafélagi Ísfirðinga. Á föstudag var keppt í
sprettgöngu og í flokki 13-14 ára sigruðu Katrín Ósk Einarsdóttir SFÍ og Hjörvar
Sigurgeirsson SKA. Í 15-16 ára flokki sigruðu Elena Dís Víðisdóttir og Guðmundur
Bjarnason SFÍ. Í fullorðinsflokki sigruðu þau Ingibjörg Elín Magnúsdóttir SFÍ og
Kristján Hauksson SÓ. Á laugardag var keppt í skiptigöngu og á sunnudag með
frjálsri aðferð. Þrátt fyrir spennandi keppni urðu sömu sigurvegarar í öllum
flokkum þessa tvo daga. Í flokkum 13-14 ára urðu Katrín Ósk Einasdóttir SFÍ og
Hjörvar Sigurgeirsson SKA og unnu því bæði þrefalt þessa helgi. Í hinum
flokkunum voru ekki sömu sigurvegarar og í sprettgöngunni. Í flokki 15-16 ára
sigruðu Hugrún Pála Birnisdóttir SÓ og Ragnar G Sigurgeirsson SKA bæði í
skiptigöngunni og frjálsu göngunni. Í fullorðinsflokki urðu einnig sömu
sigurvegarar þessa daga, Hólmfríður Vala Svavarsdóttir SFÍ og Vadim Gusev SKA.
Nánari úrslit er að finna hér.

Í fór fram stórsvig á fyrsta bikarmóti vetrarins í alpagreinum. Smá seinkun var á mótin vegna ísrigningar, en eftir að henni lauk voru frábærar aðstæður. Bakkinn var mjög harður og sléttur og var nánast engin vindur.

Keppnin í dag var spennandi og skemmtileg, úrslit voru eftirfarandi:
Konur:
1. Freydís Halla Einarsdóttir
2. Thelma Rut Jóhannsdóttir
3. Inga Rakel Ísaksdóttir

Karlar:
1. Magnús Finnsson
2. Einar Kristinn Kristgeirsson
3. Brynjar Jökull Guðmundsson

Nánari úrslit má finna hér.

Síðastliðinn sunnudag kláraðist FIS mótaröð í Oppdal Noregi. Helga María Vilhjálmsdóttir og Einar Kristinn Kristgeirsson kepptu í stórsvigi þá.
Helga María náði frábærum árangri en hún endaði í 4. sæti eftir að hafa verið í 2. sæti eftir fyrri fer. Þrátt fyrir að hlekkjast örlítið á í seinni ferðinni skoraði hún 35.78 FIS punkta sem eru langbestu punktarnir hennar til þessa í stórsvigi. Úrslit kvenna.
Einar Kristinn endaði í 18. sæti eftir að hafa verið í 30. sæti eftir fyrri ferð. Hann fékk 66.72 FIS punkta sem er aðeins frá hans bestu punktum. Úrslit karla.

Skíðasamband Íslands óskar þeim til hamingju með þennan árangur og það verður gaman að fylgjast með þeim á komandi stórmótum.